முகமூடிக்குப் பின்னால் நான்...................

முகமூடிக்குப் பின்னால் நான்...................

கண்டதும் சிரித்து
முதுகுக்குப் பின்னால் முறைத்து
பிடித்ததற்கும் சிரித்து
பிடிக்காதற்கும் சிரித்து
அன்புக்கும் சிரித்து
ஆணவத்துக்கும் சிரித்து
தப்புக்கும் சிரித்து
தண்டனைக்கும் சிரித்து
புகழ்ந்தாலும் சிரித்து
இகழ்ந்தாலும் சிரித்து
முகத்தின் மீது ஒட்டிக் கொண்ட
முகமூடியைக் கழற்ற முடியாமல்
கலங்கும் போதும் பொய்யாய்
ஒட்டிக் கொண்ட புன்னகை ஒன்றே
மீதமாய் எனக்கு நானே
மாட்டிக் கொண்ட முகமூடியை
தூக்கியெறிய முயன்று.....
முடியாமல் குமுறியழ......
துளித் துளியாய் வழிந்த கண்ணீரில்
கரைந்தோடியது அந்த முகமூடி....

Posted by aruna at 9:26 AM 1 comments