அஹம் சாத்தானாஸ்மி!!!

நான் எனும் அகம்பாவம் தலைக்கேற கண்மண் தெரியாமல் நடந்து கொள்ளும் போது நான்...
அஹம் சாத்தானாஸ்மி!!!

என் ப்ரொஃபெஷனைப் பற்றி யாராவது தப்பாப் பேசினால் என்ன ஏதுன்னு கேட்பதற்கு முன்னால் கோபத்தில் கொதிக்கும் போது நான்......
அஹம் சாத்தானாஸ்மி!!!

நான் வேலை பார்க்குமிடத்தில் யாரையாவது எம்.டி புகழ்ந்து பேசினால் உடனே பொறாமையில் துடிக்கும் போது நான்...
அஹம் சாத்தானாஸ்மி!!!

எனக்கு மிகவும் பிரியமானவர்களிடம் வேறு யாராவது ஒட்டி உறவாடுவது பிடிக்காமல் தவிக்கும் போது நான் .....
அஹம் சாத்தானாஸ்மி!!!

சுறு சுறுவென்று கோபம் தலைக்கேறும்போது என்ன செய்கிறேன் என்று தெரியாமல்
கத்தும் போது நான்...
அஹம் சாத்தானாஸ்மி!!!

தப்புச் செய்தவங்களை மன்னிக்க முடியாமல் திணறும்போது நான்
அஹம் சாத்தானாஸ்மி!!!

தப்பு என்று தெரிந்தும் சில விஷயங்களை மீண்டும் மீண்டும் செய்ய முனையும் போது நான்
அஹம் சாத்தானாஸ்மி!!!

இதுவரைக்கும் எந்த சமயத்திலும் எந்த உயிருக்கும் தீங்கு மனதாலும் நினைக்காத நான்
அஹம் பிரம்மாஸ்மி!!!


நான் சாத்தானிடம் கேட்டேன்
நான் நல்லவளா? கெட்டவளா?

நான் கடவுளிடமும் கேட்டேன்
நான் நல்லவளா? கெட்டவளா?

கடவுளும் சாத்தானும் சந்தித்து
ஒருவரையொருவர் கேட்டது....
இவள் நல்லவளா? கெட்டவளா??

டிஸ்கி :
அஹம் பிரம்மாஸ்மி-- நான் கடவுள்
அஹம் சாத்தானாஸ்மி--நான் சாத்தான்
சரிதானே???